SUPERRA-ն խնայողությունների կառավարման համար նախատեսված հավելված է։ Հավելվածը հնարավորություն է տալիս խնայողությունները ներդնել պետական և կորպորատիվ պարտատոմսերում, կատարել պարտատոմսերի առք ու վաճառքի գործարքներ առանց բանկ այցելելու, հետևել ներդրումային պորտֆելին ամբողջապես թվային միջավայրում։

Ոչ, Կոնվերս բանկը համագործակցում է ՀՀ ԿԲ-ի կողմից լիցենզավորված և վերահսկվող ընկերության՝ Ֆիդո Ինվեսթ ՓԲԸ-ի հետ, որն էլ թողարկել է SUPERRA խնայողությունների կառավարման հավելվածը։

Պարտատոմսը պետության կամ որևէ ընկերության կողմից թողարկված արժեթուղթ է, որը հնարավորություն է տալիս պարտատոմսի սեփականատիրոջը սահմանված ժամկետում պարտատոմս թողարկող անձից կամ պետությունից ստանալ պարտատոմսի անվանական արժեքը և վերջինիս որոշակի եկամուտ։

Պարտատոմսի անվանական արժեքը այն դրամական միավորն է, որը նշված է պարտատոմսի վրա, որը վճարվել և ենթակա է հետ վերադարձի պարտատոմսով սահմանված ժամկետի լրանալուն պես։

Պարտատոմսերը հնարավորություն են տալիս սեփականատիրոջը կատարել խնայողություններ և ստանալ եկամուտ՝

• տոկոսի տարեկան/կիսամյակային/ամսական/եռամսյակային մարման հնարավորությամբ,

• առանց եկամտային հարկի գանձման,

• պարտատոմսի վաճառքի հնարավորությամբ,

• իրացվելիության բարձր մակարդակով։

    Պարտատոմսերը հնարավոր է իրացնել SUPERRA հավելվածի միջոցով ցանկացած պահի։